原创《浦场浪子之－－回头无岸篇》
前言：以下的故事是一个浪子强忍心中的痛楚，写出他不堪回首噶往事，希望比正在浦场的你，或者准备加入浦场和已经离开浦场的你作一个借镜。第一章：浪子前身
男主角叫阿杰，一个肯浦场跌盏灯落黎可以砸死一扎的名。唔知点解，d人好中意将叫杰的人叫“杰仔”，就好似叫阿成的人就一定叫“大麻成”，阿强就叫“小强”，阿莲就叫“姣婆莲”甘。于是浦场的人都叫他“杰仔”（以前浦无依家甘兴用英文名噶，好多人都用返中文，感觉好似真实d。）
23岁时候的杰仔是一所重点大学的“老本”（本科生，学士学位，因为毕业的时候都二十几欧，所以要肯前边加个老字）。呢类“老本”并无星爷戏里面果班无运行的四眼仔甘夸张，但通常都是想去潮下又潮唔起，扮到好玩得又玩唔起的类型。
女朋友叫阿美，另一所名牌大学的高材生，聪明贤惠，是做老婆的绝佳选择，关键的是她对阿杰好好。
杰仔肯大学时期的浦史就是成班男生去到“旧台”，一人叫一枝啤酒坐成晚，周毕时感叹下：“哇，条女好索啊！” “哇，迪比阿路啊（好波之人）！”“哇。。。。。。”（哇，成班咸湿的弱智仔）。
岩岩毕业，阿杰入左当时最heat的物流行业，认识左前辈新哥。新哥比杰仔大三年，是浦界德高望重的大哥级人马，身边的女摆肯边个场都会成为风头磴。就肯新哥的引导下，杰仔开始左他的浪子生涯。。。。。。。 第二章：中意边个就拖出去界啦
为左等杰仔顺利过渡，一开始，新哥都是带杰仔去d清吧饮下酒。杰仔觉得原来浦就是成班男仔饮下酒，吹下水，几舒服啊。于是每逢新哥吹鸡，杰仔都逢叫必到，逢到必早。
果晚是庆祝新哥生日，订左当时好红的新场“细face”。杰仔循例好早就到左，当时就新哥，新哥个细佬阿bu，同埋阿bu条女。大家畅饮左一阵之后，突然间黎左7-8个女，个个都索到你啊！杰仔第一次同甘多噶索女近距离接触，都唔知应该点算好。于是傻下傻下的杰仔决定作出本性演出“扮忧郁”，自己将自己撇埋左一边。
好快，新哥、阿bu就同果班女混战起身。俗语话斋“双男难敌八女”，一d受冷落的索女都会主动挨过来同杰仔玩，不过杰仔就面红红甘随便玩下色仔。其实呢个时候，杰仔已经默默注视其中一个索女carmen。carmen个样有d似邓萃雯，更雷同的是她都是圈中人。carmen肯果班索女里面显得有d普通，但她身上硬是有一种好吸引杰仔的味道。相信浦场的男仔都试过呢种感觉，有d女讲唔出边道好，就是忘记唔到。
新哥睇出杰仔既心意，叫左carmen过来同杰仔玩。玩左十铺色盅，杰仔铺铺输，如果话carmen可以睇穿杰仔d色，倒不如话carmen可以睇穿杰仔个心。肯carmen面前，杰仔就好似个细路仔甘，完全透明。呢个时候的carmen已经完全心不在焉，对眼周围望，就是无落过肯杰仔身上。正当杰仔好努力甘想赢返铺的时候，来左几个新哥的男性朋友。一个男仔一坐低就主动单挑carmen，两个人互有输赢，但关键的是carmen笑容满面，好陶醉。呢一幕令到本来扮忧郁的杰仔真是变得忧郁，带住几分醉意，杰仔沉默在人群的一角。
(在 浪客剑深 的大作中发表) 今晚的主角新哥已经比大家p到八分醉，见到坐肯一边的杰仔，就将杰仔拖到人群中间，搂住杰仔的搏头。大家当然好自然甘停左落黎望住拒地。新哥对住果班索女讲：“呢个我好兄弟杰仔。”然后就指住果班索女好大声甘同杰仔讲：“杰仔，中意边个就拖出去界啦。”哇！即刻成场静晒，杰仔个心吓到差d跳左出黎。果班女都面红红甘低头不语，包括carmen。杰仔望左carmen一阵，打个圆场讲：“新哥，沟女依家野，自己黎得嘎啦。”点知新哥好唔耐烦甘讲：“沟咩沟啊，中意边个你出声，我帮你讲，拖出去界就是啦。是唔是carmen啊？”“唔是啊”以新哥的浦场地位，杰仔绝对相信果班女唔会拒绝他，但杰仔仲是选择讲左一句违心的话。新哥好理解甘摇左下头，走开左。
过左阵，新哥就揽住其中一个索女走左。而杰仔自劈左十几杯之后，亦都带醉离开。临出门之前望左carmen一眼，她依然好陶醉，完全无理会杰仔的走。
出到江边，杰仔靠肯果碌见证无数浦场故事的电灯柱道，脑海里面千头万绪：原来索女竟是如此随手可得。。。。。。carmen的味道，不过好似carmen甘浦得的女仔，点会中意我呢d闷人。。。。。。。好似无罗carmen手机添。。。。。。carmen今晚同果个男会唔会。。。。。。。谂下谂下，杰仔突然间汤左出黎。
“没有灯，背影怎可上路。。。。。。”杰仔好感谢果碌任佢汤都无嫌弃过佢的灯柱，于是杰仔向灯柱发誓：一定要成为好top的浦人。
(在 浪客剑深 的大作中发表) 全力支持再续，讲出我嘎心声添。
(在 浪客剑深 的大作中发表) 無咩真實感...你明我講咩個呵?
(在 浪客剑深 的大作中发表)
-----------------------
我们都是单翼的天使，只有互相拥抱才能飞上天空。 第三章 高手
跟住落黎的日子，杰仔经常同新哥去浦。可能有d数学底，色盅，手枚，杰仔玩咩精咩。除左技巧之外，杰仔仲好识捉路。慢慢甘，即使对住新哥，无论玩咩，杰仔都是赢多输少。
无几耐，杰仔转左工，做返大学的本行外贸，去左间效益好好的国营单位。所谓效益好好就是永远都唔知边日一返到办公室，财务就会比几k你，如果要问点解，无非就是计划生育奖、服装补贴、安全奖之类的。后来杰仔都懒得问，有钱就罗，有子弹就去欢咯。
国营单位仲有道好，就是男同事经常肯领导的带领下落club，进行资本主义反面教育。呢晚，成班男同事又来到呢间位于流花湖伴的夜总会接受教育。今晚陪杰仔的p叫阿雪，一个难得的对手。 对住阿雪，杰仔竟然只能输赢各半，而且一d都捉唔到阿雪路。肯一次大话色，杰仔最后叫6个4，结果各扎3个，杰仔险胜之后不由得一阵心寒：“原来刚才阿雪叫5个4的时候，就是等我叫6个4，叫爆d色，刻意输比我，仲输得不露声色。甘刚才自己赢的一半米有好多都是。。。。。。”杰仔开始留意对面呢个高手。阿雪经常做一d动作将气氛推高，有时佢伸手要黎开杰仔的色，杰仔知道一开自己就输，但阿雪既手捉住个色盅之后又唔罗起身，狡猾的一笑之后却继续叫色。
果晚，杰仔玩得好陶醉，佢肯阿雪身上学到一样野。原来色盅，手枚的最高境界唔是赢得多，而是可以让对手好享受同你玩的过程，陶醉其中，并将气氛推到最高。可能呢d只是阿雪作为p的职业技巧，但阿杰之后将呢种技巧用之于浦场，加上肯国营单位由白酒培养出来的酒量和酒品，阿杰好快就成为人地眼中的浦场高手。
(在 浪客剑深 的大作中发表) 觉得个杰仔好虚伪咯!扮晒情圣,圣或者系楼主你时刻意写到个杰仔好似偶像万人迷甘样,呢种角色唔系甘亲民架,所以应该无咩人顶你
(在 浪客剑深 的大作中发表)
-----------------------
我们都是单翼的天使，只有互相拥抱才能飞上天空。 好野梗係要顶啦～想知最后係点～
(在 浪客剑深 的大作中发表) 蒲都厘个境界都未界到女？我就5多信啦。
(在 virgoyang 的大作中发表) "新哥对住果班索女讲：“呢个我好兄弟杰仔。”然后就指住果班索女好大声甘同杰仔讲：“杰仔，中意边个就拖出去界啦。”
呢個叫新哥既角色簡直就是人渣败类果种,仲有我就唔信d女仔甘cheap唔出聲,肯任你界啦.
(在 浪客剑深 的大作中发表)
-----------------------
我们都是单翼的天使，只有互相拥抱才能飞上天空。 第四章join
呢晚新哥吹鸡，由新哥口中的传奇人物“老添”call女。三个男人坐左肯golf的一张卡度。以前无蹬场d甘好既野的，所以d女未黎之前，都是男人之间饮下闷酒，得d相熟的dancer偶尔过黎陪下酒。已经过左11点了，老添突然间话，果班女话想转场去细face。杰仔表态无所谓，点知新哥话：“d拣场的女叫佢唔好黎。”杰仔终于明白点解新哥可以肯浦界德高望重。
老添鄂左下，笑住对新哥讲：“是咯，果d女叫佢早透啦。”三个男人继续闷左阵，老添话：“我出去沟d女返黎。”跟住就消失肯浦场的人群之中。杰仔好疑惑甘望住新哥，新哥话：“得嘎啦，睇表演啦。”过左阵，老添真是带左两条女过黎，虽然唔是十分索，但都过得去。都未介绍咩名，就开始partner大话色了。杰仔望住呢个传说中的老添，三十出头，头发稀少，样貌是十分唔出众，亦都无有钱人的气派，实在林唔明佢点解可以沟到d女黎，唯一可以肯定既是老添的胆色的确出众。玩左阵，果两条女话：“我仲有大班朋友肯隔离张卡，一起玩啦。”于是新哥，老添，杰仔就一起转卡了。
呢种环境叫join，果张卡有四男六女，一开始的时候，果张卡d人以为我地是果两个女的朋友，虽然d男黑口黑面甘，但都无出声。新哥好老练甘叫左两支洋酒放肯台面，然后同果班男的干杯。跟住罗黎，我地扮到好友好甘同果班男既开p。我地玩井字过三关（9只杯排成井字，双方各三人，单对单玩大话色，赢一次就指定对方饮任一杯，然后用牙签放在杯中作标记。当对方输的杯连成一条线就要将剩低既酒都饮晒。）呢个游戏好刺激，再加埋班女肯隔离起哄，好快，果四个男汤既汤，走既走，剩低杰仔地三个男同果班女。呢个时候，梗是各自稳食啦，三个男的各自集中火力攻自己中意既女。杰仔同新哥是从来都唔会争食噶，因为新哥中意高头大马，杰仔中意娇小玲珑，而老添。。。。。。好似是女都中意。同杰仔玩果个叫阿yen，开始的时候仲几矜持既，不过好快就比杰仔搞到好开心。过左阵，新哥同老添已经带住自己果条女走左。杰仔同阿yen湿吻完之后，就送左阿yen返她屋企。杰仔唔是咩正人君子，只是佢觉得好难接受无感情既两个人ml。经过一个星期同阿yen吃饭倾计既接触后，有一晚，杰仔终于硬住头皮话想去开房，点知阿yen既回答竟然是：“你终于肯比我了。”之后就梗是直奔酒店。。。。。。。
(在 浪客剑深 的大作中发表) 第五章 新哥
出黎浦，无非就是识女，沟女，戒女。继阿yen之后，杰仔开始同好多个女仔重复住同样既事。但杰仔始终坚持ml之前要先培养感情既原则，不过培养既时间就越来越短，从一开始既个几星期到之后上床前既几分钟。
新哥教杰仔：“玩要玩得有品，唔好厄人感情。一开始沟就话明自己有女朋友，分手既时候都无甘难睇。”杰仔好相信呢点，所以同大多数既女都是好来好去。肯杰仔眼中，新哥是偶像，佢讲既野信就无死了。”
呢晚，新哥叫杰仔出黎，去到果阵，杰仔见到个明星look既女坐肯新哥隔离，两个人玩得好开心。玩到1点几，个女想叫新哥走，点知新哥叫杰仔过黎，话今晚两兄弟有野倾，叫果个女走先。果条女临走既时候同新哥讲左句：“你真是好唔同，其他男人见到我都好猴擒，唔通你有好多女？”等果条女走左，新哥同杰仔讲：“条女好×搞笑，我当时真是想同佢讲，我就是好多女。”杰仔不解甘问：“条女几索啊，点解你唔上既？”新哥同杰仔讲左句好经典既话：“沟女好麻烦嘎，佢沟你，你仲可以拒绝佢；但如果你沟佢，万一佢应承左真是好烦嘎。”（后来杰仔先明白呢句话既意思，如果你知道个女会对你有感情，甘就唔好为左界佢而沟佢了，因为佢真是投入左，大家都好麻烦）。
(在 浪客剑深 的大作中发表) 杰仔一直认为，浦到好似新哥甘，应该对女人都无咩感觉。呢晚，杰仔应约去到新哥屋企楼下，准备一起去浦。见到新哥既时候，新哥表情黯伤，连招呼都无打。行左阵，新哥个电话响，“雯，我求你唔好厄我。。。。。”是哀求，新哥竟然对一个女人哀求，杰仔顿时对眼前呢个偶像有d失望。新哥有时狂奔，有时好激动甘挥手，总之所有动作都好失控，呢d绝对唔是扮可以扮出黎既。对方实是新哥拍左好多年拖既女友，杰仔好好奇，究竟呢个是一个咩女人呢？竟然可以令阅女无数既新哥为之失控。（后来在新哥既婚礼上，杰仔终于见到呢个新嫂，相貌并不很出众，亦未feel到气质是点。到底新哥点解甘中意佢，恐怕只有新哥自己知道。）讲完电话，新哥行得好快，杰仔肯后面跟住。新哥无同杰仔倾诉，杰仔亦都无问。两个人是甘走，无目的，无终点，无讲过野，但杰仔一直都陪住新哥。呢个场景就好似小说《挪威的森林》里面，渡边同直子，两个相熟既人，走左一日，虽然咩都无讲，但心里面都好明白对方。
原来呢个人地眼中既浦场大哥新，身边美女无数的男人，心里面都有一个好在乎既人，一段好在乎既感情。
有人话“女人是水做的”，其实伤心既时候男人同女人是一样噶，只不过男人的眼泪唔是肯对眼道流出黎。
(在 浪客剑深 的大作中发表) 值得支持！
(在 浪客剑深 的大作中发表)
-----------------------
text 阿新哥的确比较搞笑～
(在 sundaymelody 的大作中发表)
-----------------------
我靓就自然可以高调，俺型又何用突登低调，me浦就实要忧愁尽丢，吾喜就与君欢乐今宵！ 同意,大情大性既男人,不过呢d人不适合做老公.哈哈
(在 暴靓狗帝 的大作中发表)
-----------------------
未懂得欣赏我,为你做何其多,只忠于一个,我不知上一生拖欠你么 第六章 困惑
之后既新哥，出来浦的频率明显减少，更多的时候应该是肯屋企陪阿嫂。杰仔好自然甘就继承左新哥做吹鸡人，继续着浦场既故事。
有晚去浦，杰仔识左个外资白领christy，当晚两个人就去左开房。之后果几日，杰仔都有约christy出来吃下饭，倾下计，开下片。杰仔觉得christy谈吐斯文，同其他既浦女有d唔同，所以对christy既感觉好好。点知有晚，杰仔肯一个旧同学的生日party上竟然见到christy同另一个男既一起出席。杰仔用好深情的眼神望住christy，当christy发现杰仔既时候只是微笑左一下，算是打个招呼。其实出来浦呢d场面好正常姐，但杰仔个心始终有d唔愤。于是杰仔罗住杯酒行过去同christy 饮，christy身边个男好警惕甘望左杰仔一眼，但无出声。同christy饮完，杰仔就敬她身边个男，两个男人一饮就3杯，然后开始p大话色。两个男人心里面都明白对方是边个，明白呢一战要出尽全力，p低其中一个为止。一轮较量之后，大家互有输赢。睇黎，christy身边呢个男都是浦场高手。两个人除左叫色无讲过其他野，比赛就肯叫色同饮酒中默默甘继续。因为战况激烈，越来越多人围观，christy肯一边用好怨恨的目光啤住杰仔，但距知道未有人p低之前，两个男人是唔会停既。
(在 浪客剑深 的大作中发表) 呢个时候，杰仔真是要感谢小学数学老师比距做数学科代，同国营单位用白酒培养距既酒量。终于杰仔略占上风，肯对手连饮3杯之后，杰仔见机会到，就出“夺命追魂酒”，突然间企起身，连敬对方3杯。果然，christy隔离个男跟住就掩住嘴冲左去toilet。chrsity好兴甘拉住杰仔出去酒吧门口，杰仔问：“点啊，今晚同我走店同距走啊？”“你颠够未啊？” christy讲完一巴就车落杰仔道。杰仔知道今晚输的其实是自己，“你地玩得开心d。”杰仔讲完，转身走左。
出到江边，杰仔又靠肯果碌见证过距誓言的电灯柱道，个心林：“我依家已经变成高手啦，但我得到d咩？快感？我一直都相信感情，呢d单纯既身体接触似乎未比我带黎好多既快感。快乐？浦左甘耐好似无点真正开心过。
同过甘多女仔，伤害人地既时候亦肯道伤害紧自己。甘我浦到底是为左咩啊？” 杰仔越林个心就越乱，越多问题。呢个时候，新哥失控果一幕又再次浮现肯面前，“新哥心里面始终爱住阿嫂，而我，肯甘多条女里面，到底有无爱过边个？”林到依道，杰仔突然想起自己的女朋友阿美，于是，杰仔打左个电话：“美，我依家肯江边，同d客应酬饮大左，你过黎接我啦。”
(在 浪客剑深 的大作中发表) 真系好精彩~
严重支持你,从文章中隐约稳到共鸣...
(在 浪客剑深 的大作中发表)
-----------------------
若是我要等你，或是无须等你......纵爱理不理纵隔千里，谁预知将来或再一起，再恋上你...... 呵呵,杰仔,性情中人,玩还玩,唔好放太多感情,如果真系钟意自己个女朋友既,对她好点
(在 浪客剑深 的大作中发表)
-----------------------
我们都是单翼的天使，只有互相拥抱才能飞上天空。 系创作定系自己经历来架？
(在 浪客剑深 的大作中发表) 第七章 阿美
好快，阿美就黎左，扶杰仔上左车，然后一齐返左杰仔屋企。果晚，阿美好悉心甘照顾住杰仔。
阿美，聪明贤惠，广州一所名牌大学既高材生，毕业唔够两年已经是一间国有企业的中层干部。同杰仔一齐的3年里面，无论杰仔顺境逆境，阿美都始终肯杰仔身边默默甘对距好，肯杰仔所有的朋友和家人眼中，阿美是最适合做杰仔老婆的人。
“男人既心就好似捉肯手里面的沙，捉得唔够紧就会流走；捉得太紧亦会一场空。”话阿美聪明，距就聪明肯呢道。杰仔成日去浦，去沟女，阿美从来无追问过或者check过杰仔，每次都是肯杰仔需要的时候，恰如其分甘对杰仔好。
阿美一面同杰仔敷毛巾按摩，一边好关心甘问；“今晚做咩饮甘多啊？不过男人应酬又好难免的，下次吃定d海王金樽打底啊。我褒落粥嘎啦，听日我返左工，你自己起身食啦。”望住呢个对自己不离不弃的女人，杰仔突然间坐返起身好用力甘搂住阿美，搂住好耐好耐。。。。。。。。。。。。。浦场的片断肯杰仔个脑里面倒带，如过眼云烟，转眼即逝。
(在 浪客剑深 的大作中发表) 跟住落黎的几个月，杰仔无再去浦，亦无再同浦场d女有任何联系。杰仔突然间觉得自己多左好多时间陪下屋企人，陪下阿美。返到班大学同学当中，杰仔可以当返自己是一个知识分子，浦场的一切就好似无发生过甘。
双方家长都开始为杰仔同阿美的婚期着急了，但杰仔却一直拖住，因为肯杰仔心里面始终有个问号。大学是恋爱的摇篮，当时在学的杰仔同阿美好自然甘就肯埋左一起，又好自然甘一拍就三年，之间的感情可以用细水长流黎形容，但真是平淡到无激情，无伤感，甚至无吵过架。肯面临终身问题的时候，杰仔问自己，到底是唔是中意阿美？如果甘样唔是中意的话，到底中意一个人是点样的？
杰仔真是好想有人话比距知，中意一个人究竟是点样的？于是杰仔打电话比已婚既新哥，新哥话：“拖耐左是甘嘎啦，我依家揽住老婆睇电视都嫌热啦。”
杰仔知道，呢个答案无人可以话到比距知，“无所谓啦，反正好多人都唔是同自己中意既人结婚嘎啦，最紧要阿美对我好就得啦。”林到呢道，杰仔叠埋心水唔再稳答案，趁住结婚前肯浦场作最后既狂欢。
(在 浪客剑深 的大作中发表) 就系尼个时候，杰仔遇到某某女仔，尼个女仔虽然唔系太靓，但系好识得讨杰仔欢心，同距一齐杰仔可以稳到普通男女堕入爱河果种感觉......
跟住系咪甘啊？！哈哈
(在 浪客剑深 的大作中发表)
-----------------------
若是我要等你，或是无须等你......纵爱理不理纵隔千里，谁预知将来或再一起，再恋上你...... 无鬼左下文嘎？
(在 浪客剑深 的大作中发表)
-----------------------
大医院的小医生，有点辛苦也开心……
missing lonely yesterday~~ 都可以的故仔
(在 piggin 的大作中发表)
-----------------------
we sharp we in we hip-hop
be free be yeap be trip-hop 第八章 错误的时间，错误的地点，对的人
杰仔肯好多亲戚朋友心里面都是品学兼优的乖乖仔。杰仔有个表妹，成日都话要教坏杰仔，甘杰仔米唯有满足下表妹的要求，比距教坏吓咯。呢晚，表妹打电话黎，话同个女同事想去浦，于是杰仔叫埋久未浦头的新哥，一起去到当时的红场“f4”。杰仔同新哥去到先，坐落无耐，表妹就打电话入黎，叫杰仔出门口接距。出到酒吧门口，只见表妹身边企住个几白净几斯文的女仔，“hi，我叫杰仔”杰仔马上自己我介绍，“我叫maggie。”果条女一开声，杰仔当堂无晒feel，原来北妹黎噶。
table for four，四个人玩下色仔，猜下枚，大家都饮得好斯文，饮左好耐先饮左半支洋酒。杰仔开始频频举杯向大家敬酒，新哥同表妹都好配合，举杯即干，唯独maggie肯道细细啖。“靓女，甘唔赏面啊，甘啦，我一杯，你半杯啦。”杰仔倒满一杯一饮而尽。maggie面红红甘饮左半杯。“你一杯，我半杯，你话噶”maggie狡猾一笑，突然间连饮3杯。“弊，中计添，甘我米要连饮6杯？”杰仔当堂呆住左，新哥同表妹即刻鼓掌起哄，杰仔落唔到个面，只好死顶。杰仔饮完6杯之后，maggie又好自觉甘将d杯加满酒，然后举起自己只杯。。。。。。杰仔心想：“呢次死了，如果条女再饮几杯，我又要double，呢锅野真是老猫烧须，鬼叫自己挑人先咩，先僚者贱。”点知maggie只是将只杯放肯嘴边轻尝左一下就放返低，然后望住杰仔柔情一笑。
(在 浪客剑深 的大作中发表) “好酒量难得，好酒量加好器量更加难得。”杰仔不禁开始打量呢个北妹，只见距雪白的面上泛起红红的酒晕，十分娇美。讲皮肤，讲身材，maggie都是典型的北妹。杰仔突然间对呢个北妹几有好感，加上又想未试过北妹，于是唔理新哥同表妹，开始逗着maggie玩，当然，maggie都好enjoy。
最后当然是由杰仔送maggie返屋企，肯车道，两个人已经缠绵起身。去到maggie楼下，maggie话：“我一个人住的，间新屋岩岩装修好，有无兴趣上黎坐下。”“哈哈，又得手！”杰仔当然唔会拒绝。循例饮杯茶，倾下计之后，杰仔开始有所动作，估唔到maggie却极力反抗。杰仔个心林：“扮咩野啊？叫得我上黎，孤男寡女，唔扑野唔通真是饮咖啡咩，是唔是玩欲拒还迎啊？”跟住，杰仔好大力甘成个人压住maggie，点知maggie竟然流出左眼泪。杰仔即刻唔知点算好，“对唔住！”杰仔好狼狈甘离开左maggie屋企，只觉得一头雾水。
(在 浪客剑深 的大作中发表) ？？没了？ 直接。我也是浪子
页:
[1]
2