粵語相聲 路在何方
提到粵語相聲，老一輩嘅廣東人一定會諗起黃俊英。呢位其貌不揚嘅表演藝術家，曾經帶畀佢哋幾多歡笑，幾多回憶。 [.m E8`6~:k內地近年嚟有個噉嘅風氣，如果你係廣東人，係某啲場合講粵語，一定會畀人鬧餐飽，粵語亦經常被貶為「鳥語」，筆者有過噉樣嘅經歷，哪怕就喺自己博客上面寫方言字，都會引嚟罵聲連連。如今嘅小巴、地鐵上，用純正廣州話交談嘅人亦越來越少，喺天河返工嘅朋友，一定會明白我講乜。所以不禁令我覺得，即使粵語相聲后繼有人，係咪都冇辦法喺噉樣嘅市場背景下搵到受眾呢？
當年黃俊英嘅粵語相聲乃至粵語小品，的確係個個經典，但唔可以唔承認佢都老喇。即使當年同佢同臺演出嘅一眾笑星，重有佢哋嗰啲忠實FANS都已一一老去，我哋唔會期待一班老人家重可以畀到我哋文藝界幾多沖擊。講到呢度，可能唔少人會話：「唔緊要，我哋重有黃子華，重有張達明，重有棟篤笑！」
+uK?:o U#Y#L
睇返黃子華同張達明嘅棟篤笑，的確係有粵語相聲嘅神髓，令人捧腹大笑之余亦達到咗諷刺時弊嘅效果。冇錯，係諷刺時弊，而且唔難察覺佢哋嘅題材中好多都帶政治色彩，唔少係開高官嘅玩笑，噉係由于香港獨特嘅人文環境造成嘅，重記得董伯伯當特首嗰時，佢嘅每一句話，幾乎都會成為香港人嘅笑柄。后嚟接觸一啲香港人，從佢哋口中得知，董伯伯的確係冇乜領袖嘅魅力。 1eq E:o+A
上至政府高官，下至政策民生，棟篤笑嘅取材范圍非常廣泛，所以笑料亦十分充足，祗要講嘅人有返多少功力，肯定會場場爆滿了。亦因為噉，成就咗黃子華。但細心嘅廣東人都知道，喺內地，高官同政策嘅笑話一定唔少得過香港，但敢講呢啲嘢除非你「搏拉」，唔係嘅話你就安分守己，隨便講幾個冷笑話吧啦！ !x&D t3t"kQ4A
時代進步咗，好多傳統嘅娛樂節目都會畀新嘅娛樂節目所代替，粵語相聲係咪真係會「眾望所歸，冇得留低」呢？主流媒體喺一直「忽悠」我哋嘅同時，對我哋本土文化做過咩呢？唔敢想像當我哋向下一代介紹粵語相聲嘅時候，重要攞返上個世紀嘅VCD出嚟；更唔敢想像係因為我哋嘅無力，令呢一種獨特嘅嶺南文化變成歷史。
页:
[1]