出去蒲，一定就会饮酒，无论你有几饮得都好，总会有饮大嘎一日（饮wing），值得去留意下嘎就系，饮大同饮醉（饮wing）又吾同果波。

所谓饮大，就系指酒精开始上脑，但系个人仍然识得思考，仍然可以做到自己想做嘎事情，只不过可能做出一d同平时清醒状态下吾同嘎事情姐。

而饮醉，应该系成个人已经超越酒精嘎负荷，进入不清醒状态，有d人可以思考，但系已经做悟到想做嘎事情，有d人直头连思考都吾识得，直接进入昏睡状态。

反正得闲无也做，我地又可以系度讨论下饮大同埋饮醉啦，因为饮大呢，无咩行为可以判定他嘎饮大程度，只可以讨论他嘎饮大后行为，而饮醉呢，可以根据状态分为小醉同埋大醉。

－－－－－－－－－－－－－－－－－－－－

甘根据自身实践同埋所见所闻，系度先讲讲饮大后嘎不同情况先：

1、沉默型；

所谓沉默型，就系知道自己饮到甘上下，开始wing嘎时候，就自动进入休战状态，坐埋一边做隐者，为嘎就系可以全身而退或者稍后在战！


优点：识得自我控制，吾使令到自己甘辛苦，而且吾会影响到人地，或者自己做出某些失仪嘎事情。

缺点：男人呢，好容易给人觉得闷，跟手叫你一齐玩，有时候吾玩又吾好意思，又要饮过，女仔呢，由于处于静止状态，好容易成为d咸湿佬嘎目标。

－－－－－－－－－－－－－－－－－－－－

2、客串型；

做法同沉默型一样，只不过自身吾系去做隐者，而系周围走来走去，可以走去跳舞，去隔离台搭讪，总之就要离开战场！

优点：吾使成为静止目标，同时走动或者跳舞可以帮助酒精嘎挥发。

缺点：有时候去隔离showshow都要饮嘎，三杯以上就走吾甩嘎啦，吾通你同人讲系因为吾饮得过来避世咩，你系讲得出，问题系人地肯吾肯放过你。

－－－－－－－－－－－－－－－－－－－－

3、扮鬼型；

做法可以同以上两种一样，但系目标在于狩猎，沉默系为左观察体下边个成为自己嘎目标，showshow系因为自己张抬无目标，周围搜刮。

优点：由于你本身有少少wing，所以做事都大胆左好多，而人地由于觉得你有少少wing，好多也都对你松懈同埋吾同你计较因而令到你有机可乘。

缺点：由于此举多数系咸湿佬或者系想借醉遁应用之策略，行之又行，所以大家都心里明白，只眼开只眼闭罢了。

－－－－－－－－－－－－－－－－－－－－

4、正义型；

好多人都系一样，饮左酒就觉得自己天下无敌嘎啦，专系度观察边度可以锄强扶弱，一见到有机会帮人，就走过去帮人顶枚顶酒。

优点：呢种人都系心地好嘎，可以帮到其他吾饮得嘎人。

缺点：帮到别人米累左自己囖，而且有时候人地都未必要你帮手顶枚嘎，你无拉拉过去抢来玩，小心做成人地不满啊。

－－－－－－－－－－－－－－－－－－－－

5、失仪型；

做尽失仪嘎事情，所谓失仪嘎事情，有轻有重，轻则伤及自身，重则影响他人，咩爱的宣言啊，喷泉事件啊，聊事斗非等都系属于呢种类型。

优点：唯一可以话优点嘎米就系自己可以发泄囖，无嘎啦！

缺点：唉，正所谓千年道行一朝丧，任你平时做得几好啊，一次甘嘎失仪，人地就记你一世，你就话因为饮大，第日大可以话断片吾记得姐，但系人地当你酒醉三分醒嘎嘛。

－－－－－－－－－－－－－－－－－－－－

6、炸弹型；

呢类人最恐怖，上面果类都话他失仪他嘎事姐（自私d讲句），但系呢类系属于追酒型嘎人，只要你喇着左他，他就系要同你饮，即使吾够你玩都要玩，吾够你饮，汤完再同你饮过。

优点：所谓坚持就系胜利，最后，一定系你赢晒嘎。

缺点：通常呢果d胃出血啊，胃咩咩都系呢d人囖。

－－－－－－－－－－－－－－－－－－－－

而我地从饮醉嘎状态来分，系甘姨分成小醉同埋大醉啦：

1、小醉；

所谓小醉，已经超越左饮大嘎程度，超越左个人酒精承受嘎负荷，甘呢个时候嘎人相信已经无晒战斗力嘎啦，一系就汤，汤完呢就好似游魂甘，人去边，你去边，去到就系甘训，而呢个时候你成个人做好多野都已经有心无力，比如话你想行路，脚软，想开车，视线模糊，最容易出事都系呢种状态。

2、大醉；

通常大醉都系由小醉演变而成嘎，大醉已经表现为不省人事，完全昏睡，轻则就流落街头给贼人有机可乘，重则米倒地中风，甘又一世啦。

－－－－－－－－－－－－－－－－－－－－

无论系咩情况都好，饮酒多伤身，但系出得去玩边度有可能吾饮酒先得嘎，希望大家都系有节制就好囖，同埋饮大左，尽可能吾好做咩失仪嘎事情啦，另外，可能遗留左某些饮大嘎状态，大家可以补充。

最后，提醒岩岩饮酒嘎人，啤酒难入口，而且有气顶住，一般都知道自己几时吾饮得，可以控制得好d，而洋酒同埋色酒，由于沟淡之后好好入口，所以好多人都觉得无所谓，岂料后劲犀利，记得我初初饮洋酒嘎时候，都系甘样中招嘎！

-----------------------

穷则独善其身！

达则兼济天下！

我系属于＂闪人型＂～

一饮大或饮醉，我就闪人噶啦～

偶饮酒的话，无论大不大都好。。。通常都是倒地就睡。。。。。。失礼死人。。。
？”

你体得实先算啦，因为你每次都饮醉，仲要系进入睡眠状态，我闪左你都唔知啦，咔咔～～

我绝对系“炸弹型”啦！！

精辟啊！！！

强烈建议加精！

托托不愧为蒲版传奇人物，钦敬，钦敬。。

甘你系给个机会人地照顾你姐！

无啊，本来今日都无捻住发嘎，无奈果个one day又话闷，甘米发囖！

我啊，系费事影响人，自己做隐者算数囖！

甘犀利啊！

甘我属于咩型啊？？？

呢个星期好5饮得~````我要戒酒~~~`````

我仲知到有一种.我个friend就是个中代表.他酒量一般,但到总是坚持可到最后.仲成日可以送人归家添.后来他私下同我讲他好清楚自己的酒量,所以一到差不多饮大的时候就开始扮饮醉,什么头晕,好wing,要汤,简直是7情上面.一叫他饮就猛讲"好wing,比我透透,等等"好多人都比他d戏骗到.但扮还扮因为事实上他其实又没饮大所以又5会失仪所以好多人仲觉得他好有酒品.,更5回闪人,仲可以借机回气再战.这种又是么型啊? 莫非是奸咋型.

你系咪写得甘快呀？？？？？

我明显我系呢个沉默型啦~~~

唉，你都戒得到，稳鬼信咩！