我系广州市海珠区小洲村（大家如果有睇G4应该都知道边度啦）既一个村民，由我爸爸个代开始就一直系村里面从事奶牛养殖。前几年由于广州创卫再加上小洲村要成为“中国最美丽的乡村”，我地被迫迁出小洲，同我地村既好多奶农一齐搬迁到清远一个比较落后既镇（高桥镇）。虽然交通非常唔多便（因为我地每日都要运送七八吨奶返广州交比燕X牛奶公司）但有一个重要既原因，就系地租够平！
[ 转自广州论坛 http://www.kugz.net ]
其实要搬出去系为左城市既发展同埋环境既改善，我地都好理解既。但由此而增加左好多费用：1、养殖成本。由于一直供应我地饲料既供应商都系广州既，所以饲料既运送方面费用增加左。2、运输成本。每日由清远一百几公里将奶送回广州。3、被迫贷款扩张经营。因为上述两项成本都增加左，如果我地仲系按未搬时既养牛数量，更本无法支持开支。所以我地每户都分别增养左30-100头牛不等，而且再夹钱引进左6套现代化自动吸奶系统，每一套既造价系20几万。
[ 转自广州论坛 http://www.kugz.net ]
以上既两个问题，我地总算系艰难甘顶左过去，虽然依家我地系一个拥有1000几头牛，日产七吨鲜奶既中型奶场。但系依家既物价越黎越贵，成本更进一步增加。市场上既奶制品价格亦随之增加，但系作为原料供应既我地、受物价上升影响最大既我地，交奶价格竟然一直都无提高过。而且要压货款90天`````
依家我地面临既问题系：做——越做越心寒，唔做——已经投入左甘多```而且对于我地养左几十年牛既人，唔做呢行都唔知识做乜。
我讲左甘多，第一系为左舒发一下几近绝望既心情，第二系想各位帮手谂谂办法，拯救一下呢个面临被赶绝既行业！多谢大家！
