最近BONBON每逢星期三都搞T－backparty，好鬼吸引。
而我一个朋友听我咁讲就即刻扑咗过去，话要睇下系米真系咁“高档”。
但系我呢位朋友都唔知系唔系未饮先醉，竟然犯咗蒲友嘅大忌，带埋女朋友落夜场。
大家都知啦，几条麻甩佬落club有啲咩倾吖，无非都系讲下女人讲下咸湿嘢噶啫，
佢竟然带埋女朋友嚟，当堂闷场，所有人都唔知讲啲咩好。
好嘞，终于到个party开始表演啦，
[ 转自广州论坛 http://www.kugz.net ]
呢位朋友好想行埋舞台度望真啲，但系奈何身边坐住个“女杀手”，有啲咩行差踏错即刻“死刑”。
于是就借头借路叫埋一齐去厕所，乘机去睇show。哇，嗰晚个女dancer真系唔错！
身材火爆，个样又索，都未除衫就已经见到佢逼到爆衫。睇咗一大轮，睇到我呢位朋友好鬼high，
仲想上去抄个女dancer牌。但系就喺呢一刹那，佢女朋友神奇咁出现喺佢面前，吓到佢脚都软埋。
我心谂：“都算你好彩啦，如果俾你女朋友见到你抄牌，就唔知你今晚跪榴莲定顶痰罐嘞。”
由于有位“不速之客”在场，嗰晚好早我哋就作鸟兽散。
[ 转自广州论坛 http://www.kugz.net ]
但系呢个故事仲未完。俗语话，傻人有傻福，讲得一啲都无错。
呢位带埋女朋友去蒲嘅朋友，今个星期终于吸取教训，飞甩女友同我地“独自偷欢”。
而且更加戏剧性地，居然喺另一个场俾佢见到上次嗰个dancer！
今次真系乜都唔使讲啦，哽系即刻埋去搭讪兼抄牌啦。
所以话啫，呢个真人真事告诫我哋啲蒲友，女朋友系用嚟收埋喺屋企噶！
“出得嚟蒲，就哽系个个都单身寡佬”架啦，唔系话带埋女朋友出嚟蒲唔得，
但系你就唔好咁得一想二啰。带得女朋友出嚟，你就要打定输数，预咗无运行架啦。
除非你唔介意你女朋友都去搵食，咁就另当别论。
