你知道點解多數廣州人嘅籍貫都5系寫廣州嗎？

廣州人嘅籍貫多數都唔系廣州！
我生于廣州長于廣州，但細時就奇怪點解我的籍貫唔系廣州呢，盡量我阿爺喺50年代就由高要遷來廣州，我爸在廣州長大但我的籍貫仍是寫高要。我媽系伴塘梁氏，世代家住伴塘，籍貫都系寫南海。
你地在睇戶口本時有無留意自己的籍貫呢？
後來，我睇左一些資料仲聽左一D坊間的說法。終于明白左箇個原由，同大家分享一下，如有纰漏請糾正。
戶口本嘅籍貫寫廣州的，主要有三種人：
1、滿族人，清朝駐廣州城八旗軍和滿籍官史的後人
2、清代時達官貴人的後人
3、廣州市近郊地區七、八十年代仲系村後來城市化的一些村的村民，例如白雲區嘅鍾落潭、九佛等
多數廣州人的籍貫系南、番、順同粵西各地
咁系同廣州城（即系以前叫嘅省城）的擴張的曆史有關。
清代到民國初年，省城系好細嘅，大概東至大東門一帶，西至西門口一帶，西南至惠福西路一帶。主要系官府衙門、駐軍同商行所據。城外分別系南海、番禺的轄地。
民國以後，廣州城開始折牆擴城，逐漸變大。經曆民國發展、抗日戰爭、49年建國、五、六十年代的動蕩仲有文革等等的大事，一浪又一浪的遷入遷出大潮把南番順、粵西等地甚至隨軍隊進穗的北方人遷入廣州繁衍生息，成爲廣州人。
據我所聞，籍貫嘅通俗嘅算法系祖上三代的祖居地。即系話，譬喻，你爺爺祖居順德後來遷入廣州定居，咁樣，你嘅籍貫就系順德。如果你繼續在世居廣州，到你孫果代的籍貫就系廣州啦。
所以，多數廣州人嘅籍貫都唔系廣州啦。
以上系我所知的歸納所得，同大家分享，有唔啱的地方請指教細佬，多多包函。